اخبارات پر بلااعلان پابندی

اطلاعات شائع نہیں ہورہا ہے
وادی کشمیر میں حکام کی جانب سے لگائے گئے سخت ترین کرفیو کی وجہ سے روزنامہ اطلاعات کی اشاعت  فی الحال بند ہوگئی ہے چنانچہ ہزاروں قارئین کو اپنے پسندیدہ اخبارکی کاپی نہیں مل رہی ہے۔خبروں کا تسلسل جاری رکھنے کیلئے انٹرنیٹ ایڈیشن دستیاب ہے ۔ ریاستی پولیس اور سی آر پی ایف کے اہلکاروں نے گزشتہ دنوں کے دوران اخباری مدیران، رپورٹروں اور ڈیزائنروں کو گھروں سے باہر نکلنے کی اجازت نہیں دی ۔ انہیں یا تو کرفیو پاس اجراء نہیں کئے گئے یا ان اجازت ناموں کو کسی خاطر میں نہیں لایا گیا ۔ کئی مقامات پر صحافیوں کو تشدد ، زبان درازی اور ناروا سلوک کا بھی نشانہ بنایا گیا اور عملی طور حکام نے یہ  بات یقینی بنائی ہے کہ اخبارات اپنی اشاعت بند کریں۔ بین الاقوامی میڈیا تنظیموں سی پی جے اور اے ایف جے نے کشمیر میں میڈیا پر عائد کی گئی قدغنوں کی مذمت کی ہے۔ 

بک مارک: del.icio.us | Digg