برطانیہ میں رواں سال گیس کی قیمتوں میں تواتر کے ساتھ اضافہ

لندن //رواں سال برطانیہ میں گیس کی قیمتوں میں تواتر کے ساتھ اضافہ دیکھنے میں آیاہے۔انرجی واچ ڈاگ کے اعداد و شمار میں بتایاگیاہے کہ پانچ جنوری کو این پاور نے ڈومیسٹک ریٹیل قیمتوں میں 17 فیصد تک اضافہ کیاجبکہ اس کے ایک دن بعد ہی ای ڈی ایف نے گیس کی قیمتوں میں 13 فیصد تک کا اضافہ کیا۔18 جنوری کو ہی برٹش گیس نے گیس کی قیمتوں میں 15 فیصد اضافہ کیا جبکہ 2 فروری کو سکاٹش پاور نے 15 فیصد گیس کی قیمتوں میں اضافہ کا اعلان کیا۔ای آن نے 8 فروری کے فوری اطلاق سے گیس کی قیمتوں میں 15 فیصد اضافہ کیا جبکہ سکاٹش اینڈ سدرن انرجی نے مارچ میں اعلان کیا تھاکہ یکم اپریل سے گیس کی قیمتوں میں16 فیصد کے قریب اضافہ ہوگا۔